Header Section

Main Content

This is your primary page text, articles, or feed content.

Seensa Waldaan Aksiyoona Geejjibaa fi Lojistiksii Gadaa (WAGLG) dhaabbalee misooma motummaa naannoo oromiyaa keessaa isa tokko yoo ta’u, tajaajiloota geejjibaa fi logistiksii waliin hidhata qaban, tajaajila qulqulleessa sanada gumurukaa, tajaajila daawwii fi deemsaa karaa maamiltootaa isaaf kennuudhaan qooda isa irraa eegamu bahachaa jira. Akkasumas sochii misooma hawaasumma fi dinagdee naannoo keenyaa fi kan biyyaa si’eessuu keessatti qawaa hanqina lojistiksiin uumamu duchuudhaan dinagdee biyyaa fi naannoo keenyaa deeggaraa jira. Kanaafuu, tajaajila maamiltootaa isaaf kennu gahumsaan raawwachuuf dandeettii raawwachisummaa isaa gama hundaan cimsuudhaan of gahoomsaa dhufee jira. Tajaajila maamiltoota isaaf kennaa jiru si’oominaa, qulqullinaa fi karaa baasii qusatuun kennuuf hanga tokko tekinoloojii barbaachisoo ta’an fayyadamaa jira. Dabalataan, ergama fi mul`ata isaa galmaan gahuuf karoora waggoota darbaniin hanga ammaa sochii adda addaa gaggeessaa ture jira. Sochii gaggeefamaa ture kana yeroo yeroon gamaggamuun cimina jiru caalmaatti itti fufsisuu fi hanqinaalee mul’atan irratti hojjechuuf kallatti kaawwatee jira. Rakkoolee mul’atan ammo qaama dhimmi ilaalu waliin ta’uun mala furmaataa kaa’a deema turee jira. Haaluma kanaan, akka kutaa ICT fi Dijitaalaayizeeshinii dhaabbatichaatti ergamaa fi mul’ata dhaabbatichaa galmaan gahuuf tekinoloojii dhaabbata kanaaf barbaachisu hidhachiisuun bu’aa hojii isaa dabaluun nu irraa eegama. Akkasumas, yeroon amma keessa jirru yeroo digitaalaayizeeshinii ta’uun isaa ni beekama. Kanaaf, hojiiwwan raawwataman tekinoloojii yeroon kun dirqamsiisaa jiru fayyadamuun ariitii, qulqullinaa fi bu’aa qabeessummaa dhaabbatichaa guddisuun barbaachisaadha. Bu’uruma kanaan, hojiiwwan akka karooraatti taa’an kana galmaan gahuuf kutaalee mana hojii waliin qindoominaan hojjechuuf karoorri bara 2019 akka armaan gadiitti qophaa`ee dhihaateera. Angoo fi Gahee WAGLG Waldaan Aksiyoona Geejjibaa fi Loogistiksii Gadaa bu’uura dambii lakk. 253/2017 tiin invastimantii giruppii tumsa developmanti jalatti tajaajila geejjiba fe’umsa gogaa kennuuf kan hundeeffame yoo ta’u, dabalataan hojiiwwan daldalaa geejjibaa fi loojistiksii waliin hidhata qaban akka hojjatuuf kan hundeeffameedha. Ergama, Mul’ata fi Duudhalee Mul’ata Bara 2031tti baha Afrikaatti dhaabbata geejjibaa fi loojistikii adda duree ta’e keessaa tokko ta’uu!! Ergama Dhaabbatichi geejjiba fe’umsaa gogaa, ummataa, hojii man-kuusaa, tajaajiloota akka tiraansiitii, loogistiikii sona dabalataa, hojii daawwannaa fi imalaa saffisaa fi nageenyummaan isaa mirkanaa’e, akkasumas tajaajila leenjii fi ogummaa amanamaa fi qulqullina qabuu maamiltoota fi qooda fudhattoota isaaf dhiheessuudhaan, dorgomaa fi bu’a qabeessa ta’uudha.